Shumë gjëra që kanë ndodhur në të kaluarën janë mbuluar nga misteret, duke krijuar kështu një terren të përshtatshëm për zhvillimin e legjendave të ndryshme urbane, që janë shumë të frikshme.

DB Cooper Më 24 nëntor të vitit 1971, DB Cooper kishte rrëmbyer një aeroplan ‘Boeing 727’ në hapësirën ajrore në mes të Portlandit dhe Sietëllit, duke kërkuar një kundërshpërblim për dorëzimin e aeroplanit dhe një parashutë për të ikur, duke pretenduar se kishte një bombë në çantën e tij. ai kishte marrë haraçin prej 200.000 eurosh dhe kishte kërcyer nga aeroplani me parashutë, për të mos u parë kurrë më. Përkundër faktit që pas tij ishin vënë disa dhjetëra njësi të FBI-së, askush nuk kishte dëgjuar më nga DB Cooper-i, që përbën kështu rastin e vetëm të pazgjidhur të rrëmbimit të aeroplanëve në historinë e SHBA-së.

Vrasësi Zodiak Për dhjetë muaj të tërë, në fund të viteve të 1960-a, Kalifornia veriore dhe e gjithë pjesa e Gjirit të San-Franciskos, ishin terrorizuar nga një vrasësi serik, të cilin autoritetet e kishin pagëzuar me emrin Vrasësi Zodiak. Dhe, sot e kësaj dite, ende askush nuk e di identitetin e vërtetë të këtij vrasësi. Autoritetet kishin pranuar katër letra të koduara, në fund të të cilave shkruante se ato vinin nga ky vrasës, megjithatë vetëm njëra prej tyre ishte deshifruar, letër në të cilin flitej për etjen që ky vrasës kishte për gjakun e njerëzve. Tri letrat e tjera kanë mbetur mister.

Disku misterioz Në vitin 1908, arkeologu italian, Luigi Pernier, kishte zbuluar një disk misterioz në Pallatin Minoan, në Faistos të ishullit grek, Krete. Disku në fjalë, që është i punuar nga llaçi i nxehur, përmban një sërë hieroglifësh të panjohur dhe vazhdon të jetë njëra nga enigmat më të mëdha në fushën e arkeologjisë. Shkencëtarët besojnë që disku në fjalë daton nga mileniumi i dytë para lindjes së Krishtit dhe thonë që mund të përmbajë të dhëna në lidhje me një civilizim të përparuar, pasi që civilizimi i Minoanit njihet si civilizimi i parë i organizuar në histori.

Anija ‘Mary Celeste’ ‘Mary Celeste’ ka qenë një anije amerikano-britanike, që edhe sot e kësaj dite vazhdon të jetë njëri nga misteret më të mëdha në botë. Më 4 dhjetor të vitit 1872, ‘Mary Celeste’, në mënyrë misterioze, ishte shfaqur në brigjet e Gjibraltarit. Anijes i mungonte vetëm një varkë shpëtimi dhe i gjithë ekuipazhi – dhjetë persona. Misteri këtu është se në anije kishte ushqim dhe pije për edhe të paktën gjashtë muaj, të gjitha gjërat e ekuipazhit ishin në vend dhe anija nuk kishte as edhe një dëmtim të vetëm, pasi që në atë periudhë nuk kishte pasur as stuhi. Asnjëri prej anëtarëve të ekuipazhit nuk është gjetur deri më sot.